ယှဉ်ပြိုင်မှုရှိသည့် အာဏာရှင်စနစ် ပေါ်ထွန်းခြင်း

စစ်အေးခေတ်လွန်ကမ္ဘာဟာ စပ်ကျားနိုင်ငံရေးစနစ် (Hybrid Political Regime) တွေ အပြိုင်းအရိုင်း ပေါ်ထွန်းလာမှုကို မြင်တွေ့ရတယ်လို့ ပြောစမှတ် ပြုကြပါတယ်။
၁၉၉၀ ပြည့်လွန်နှစ်တွေမှာ အာဖရိကတိုက် နိုင်ငံအတော်များများ (ဂါနာ၊ကင်ညာ၊ မိုဇမ်ဘစ်ခ်၊ ဇမ်ဘီယာ၊ ဇင်ဘာဘွေ)၊ ကွန်မြူနစ်ခေတ်လွန် ယူရေးရှား (အယ်လ်ဘေးနီးယား၊ ခရိုအေးရှား၊ ရုရှား၊ဆားဗီးယား၊ ယူကရ်ိန်း) နဲ့ လက်တင်အမေရိက (ဟေတီ၊ မက္ကဆီကို၊ ပါရာဂွေး၊ ပီရူး)၊ အာရှ (မလေးရှား၊ ထိုင်ဝမ်) တို့မှာရှိတဲ့ နိုင်ငံရေးစနစ်တွေဟာ ဒီမိုကရေစီနည်းကျတဲ့ စည်းမျဉ်းတွေကို အာဏာရှင်ဆန်တဲ့ စီမံအုပ်ချုပ် နည်းစနစ်တွေနဲ့ နည်းလမ်းအသွယ်သွယ်၊ ရေချိန်အမျိုးမျိုးမှာ ပေါင်းစပ်ခဲ့ကြတယ်။ ပညာရပ်ဆိုင်ရာ လေ့လာလိုက်စားသူတွေကတော့ အဲဒီလိုမျိုး အုပ်ချုပ်ရေး ယန္တရားတွေကို အပြည့်အဝမဟုတ်တဲ့ ဒီမိုကရေစီ ဒါမှမဟုတ် ဒီမိုကရေစီစနစ်ဆီကို အသွင်ကူးပြောင်းနေတဲ့ ပုံစံတွေအသွင် ရှုမြင်ကြတယ်။

ဒါပေမယ့်လည်း ဖြစ်ရပ် တော်တော်များများကိုကြည့်ရင် အဲဒီ မျှော်မှန်းထားချက်တွေ (ဒါမှမဟုတ် မျှော်လင့်ထားချက်တွေ) ဟာ အလွန်ကို အကောင်းမြင်ရုံပဲ ဆိုတာလည်း တွေ့ခဲ့ရပြီးပါပြီ။ အထူးသဖြင့် အာဖရိကနဲ့ ယခင် ဆိုဗီယက် ပြည်ထောင်စုဟောင်းတို့မှာ ဆိုရင် အုပ်ချုပ်ရေးစနစ် အများအပြားဟာ စပ်ကျားအနေနဲ့ပဲ ဆက်ရှိချင်ရှိ၊ ဒါမှမဟုတ် အာဏာရှင် လမ်းကြောင်းဘက်ဆီ ဦးတည်သွားတာမျိုးပဲ ဖြစ်ခဲ့ပါတယ်။ ဒါကြောင့် အဲဒီလို ဖြစ်စဉ်ဖြစ်ရပ်တွေကို ဒီမိုကရေစီ အသွင်ကူးပြောင်းမှု စဉ်းစားခြင်းကို ရပ်တန့်ပြီး သူတို့ရဲ့ တကယ့် သရုပ်သကန်အမှန်က ဘာလဲဆိုတာကို လေ့လာ စဉ်းစားရမယ့်အချိန်ပဲလို့ ဆိုပါရစေ။

အဲဒီ စပ်ကျားအစိုးရ ပုံစံတွေရဲ့  အရေးကြီးမှုကို မကြာသေးမီနှစ်များအတွင်း ပညာရှင်အတော်များများက ထောက်ပြခဲ့ကြပါတယ်။ တကယ်လည်း အဲဒီလိုမျိုး အရောအနှော နိုင်ငံရေးပုံစံတွေနဲ့ ပတ်သက်လို့ ခေါင်းစဉ် အမျိုးမျိုး ပေးကြတာကို မကြာသေးမီ ကာလများအတွင်း ပညာရပ်ဆိုင်ရာ အရေးအသားတွေမှာ တွေ့ရပါတယ်။ အဲဒါတွေထဲမှာ ခုနကပြောတဲ့ “စပ်ကျားနိုင်ငံရေးစနစ်” ဆိုတာအပြင် “တစိတ်တပိုင်း ဒီမိုကရေစီ (Semi-democracy)”၊ “အယောင်ပြ ဒီမိုကရေစီ (Virtual Democracy)”၊ “ရွေးကောက်ပွဲ သက်သက် ဒီမိုကရေစီ (Electoral Democracy)”၊ “ဒီမိုကရေစီအတု (Pseudo-democracy)”၊ “လစ်ဘရယ်မကျတဲ့ ဒီမိုကရေစီ (Illiberal Democracy)”၊ “တစိတ်တပိုင်း အာဏာရှင်စနစ်       (Semi-authoritarianism)”၊ “ပျော့ပြောင်းတဲ့ အာဏာရှင်စနစ် (Soft Authoritarianism)”၊ “ရွေးကောက်ပွဲနဲ့ ရွေးတဲ့ အာဏာရှင်စနစ် (Electoral Authoritarianism)” ဆိုတာတွေနဲ့ နိုင်ငံတကာ လွတ်လပ်ခွင့်ဆိုင်ရာ အဖွဲ့ Freedom House ရဲ့ အသုံးဖြစ်တဲ့ “တစိတ်တပိုင်း လွတ်လပ် (Partly Free)” ဆိုတာတွေအထိ ပါဝင်ပါတယ်။ ဒါပေမယ့် အဲဒီ ရေးသားချက်တွေမှာ အရေးကြီးတဲ့ အားနည်းချက် နှစ်ရပ် ရှိနေပါတယ်။

ပထမတခုက လေ့လာမှု တော်တော်များများမှာ တွေ့ရတဲ့ ဒီမိုကရေစီ ဘက်လိုက်မှုပါပဲ။ သုံးသပ်ချက်တွေကိုကြည့်ရင် ပုံစံအရော အစိုးရစနစ်တွေကို တစိတ်တပိုင်း သို့မဟုတ် “အားပျော့” ဒီမိုကရေစီ ပုံစံတွေအဖြစ် ရှုမြင်ကြတာ၊ ဒါမှမဟုတ်
ရှည်လျားတဲ့ ဒီမိုကရေစီ အသွင်ကူးပြောင်းမှုတွေအဖြစ် ရှုမြင်ကြတာကို တွေ့ရပါတယ်။ ဒါတွေအရ ကောက်ချက်ချလို့ ရတာက အဲဒီဖြစ်စဉ်တွေဟာ နောက်ဆုံး ဒီမိုကရေစီစနစ်ဆီမှာ အဆုံးသတ်သွားမယ်ဆိုတဲ့ သဘောပါပဲ။ ဒါပေမယ့် ဂျက်ဖရီဟာ့ဘ် နဲ့ သောမတ် ကာရိုးသားစ် တို့နှစ်ဦးစလုံး မကြာသေးမီက ချပြခဲ့သလို ပြောရရင် အဲဒီအဆိုဟာ မဟုတ်ပါဘူး။
တချို့သော စပ်ကျားနိုင်ငံရေးပုံစံတွေ (မက္ကဆီကို၊ ဆီနီဂေါနဲ့ ထိုင်ဝမ်) ၁၉၉၀ ပြည့်လွန်နှစ်တွေအတွင်း ဒီမိုကရေစီ အသွင်ကူးပြောင်း သွားကြပေမယ့် တခြားသော နိုင်ငံတွေ (အဇာဘိုင်ဂျန်၊ ဘယ်လာရုစ်) ကတော့ လုံးဝကို ပြတ်ပြတ်သားသား အာဏာရှင် စနစ်ဘက်ကို ဦးတည်သွားခဲ့ကြပါတယ်။ ကျန်တဲ့နိုင်ငံတွေကတော့ ဒီအတိုင်း တည်ငြိမ်နေတာပဲဖြစ်ဖြစ် လားရာအမျိုးမျိုးဘက်ကို ဦးတည်သွားတာပဲဖြစ်ဖြစ် တွေ့ရမှာပါ (ဥပမာ – မလေးရှား၊ ရုရှား၊ ယူကရိန်း၊ ဇမ်ဘီယာ၊ ဇင်ဘာဘွေ)။ “အသွင်ကူးပြောင်း” ဆိုတဲ့စကားရဲ့ ရှေ့မှာ ဒီမိုကရေစီသို့သာပဲ ဖြစ်ရမယ်ဆိုတဲ့ အလိုလျောက် နားလည်မှုဟာ လွဲနေပါတယ်။

ဒုတိယအနေနဲ့ “တစိတ်တပိုင်း ဒီမိုကရေစီ” တို့၊ “တစိတ်တပိုင်း အာဏာရှင်စနစ်” တို့၊ “တစိတ်တပိုင်း လွတ်လပ်” တို့ ဆိုတဲ့ ဝေါဟာရတွေနဲ့ ပတ်သက်လို့ ဒါတွေဟာ စနစ်ဟောင်းရဲ့ အကြွင်းအကျန်တွေ ပါနေသေးတဲ့ပုံစံတွေကို ခေါ်ဝေါ်ခြင်းပဲ လို့သာ မြင်ကြပြီး နိုင်ငံရေးစနစ်မျိုးကွဲတွေ အကြားက မတူညီမှုတွေကိုတော့ သမန်ကာလျှံကာ သဘောထားချင်ကြတဲ့ သဘောဖြစ်ပါတယ်။
ဥပမာပြောရရင် အယ်လ်ဆာဗေးဒိုး၊ လတ်ဗီးယားနဲ့ ယူကရိန်းတို့ အားလုံးဟာ ၁၉၉၀ ပြည့်လွန် နှစ်တွေတုန်းက စပ်ကျား နိုင်ငံရေးစနစ် ပုံစံတွေပဲဖြစ်ပြီး ၁၉၉၂-၉၃ အတွက် Freedom House အဖွဲ့က သတ်မှတ်ချက်အရ နိုင်ငံရေးအခွင့်အရေးနဲ့ အရပ်သားလွတ်လပ်မှု အပိုင်းတွေမှာ ရမှတ် ၆ မှတ် ကိုယ်စီရရှိခြဲ့ကတဲ့ နိုင်ငံတွေပါ။ ဒါပေမယ့် သူတို့ကိုကြည့်ရင် အခြေခံကျကျကိုပဲ မတူတဲ့အပိုင်းတွေ ရှိပါတယ်။ လတ်ဗီးယားရဲ့ အခြေခံကျကျ ဒီမိုကရေစီ မဆန်တဲ့ အချက်က ရုရှားမျိုးနွယ်တွေကို နိုင်ငံသား အခွင့်အရေး မပေးခြင်းဖြစ်ပြီး အယ်လ်ဆာဗေဒေါရဲ့ အဓိက ဒီမိုကရေစီ မဆန်တဲ့ အချက်က လူ့အခွင့်အရေးကို တိတိပပ ချိုးဖောက်ခြင်းနဲ့ စစ်တပ်အပေါ်မှာ အရပ်ဘက်က ထိန်းချုပ်ထားနိုင်မှု မရှိခြင်းတို့ပါပဲ။ ယူကရိန်းမှာတော့ အားလုံးကို နိုင်ငံသားအခွင့်အရေး ပေးခြင်းလည်းရှိသလို စစ်တပ်အပေါ်ကိုလည်း အရပ်ဘက်က သြဇာညောင်းတယ်။ ဒါပေမယ့် အရပ်သား လွတ်လပ်ခွင့်တွေကို မကြာခဏ ချိုးဖောက်တာတွေရှိပြီး အာဏာ လက်ဝယ် ရှိထားသူတွေကလည်း ဒီမိုကရေစီ လုပ်ထုံးလုပ်နည်းတွေအပေါ် အလွဲသုံးစားလုပ်တာ၊ ကြိုးကိုင် ခြယ်လှယ်တာတွေ ရှိခဲ့ပါတယ်။

ဒီတော့ ပြန်ကောက်ရရင် အထက်ပါ ဥပမာ ၃ ခုစလုံးကို “စပ်ကျား”၊ “တစိတ်တပိုင်း ဒီမိုကရေစီ” ဒါမှမဟုတ် “တစိတ် တပိုင်း လွတ်လပ်” လို့ ခေါင်းစဉ်တပ်နိုင်တယ် ဆိုပေမယ့်လည်း အဲဒီခေါင်းစဉ်တွေဟာ အရေးကြီးတဲ့ ကွဲပြားခြားနားချက်တွေကို ဖုံးကွယ်ထားပါတယ်။ အဲဒီ ကွဲပြားချက်နားချက်တွေဟာ မတူညီတဲ့ နောက်ဆက်တွဲတွေကို ဖြစ်စေနိုင်လောက်တဲ့ အဓိက အကြောင်းရင်းခံတွေလည်း ဖြစ်နိုင်ပါတယ်။ အာဏာရှင်နဲ့ ဒီမိုကရေစီစနစ်တို့ရဲ့ လက္ခဏာရပ်တွေကို ပုံစံအမျိုးမျိုးနဲ့ ရောစပ်ခြင်းမှာ သိသာတဲ့ သမိုင်းအရင်းခံတွေ ရှိပါတယ်။ နောက်ပြီး စီးပွားရေး အခြေအနေ၊ လူ့အခွင့်အရေးနဲ့ ဒီမိုကရေစီ အလားအလာကောင်းတွေ အတွက်လည်း အဖြေအမျိုးမျိုး ထွက်နိုင်ပါတယ်။

ယှဉ်ပြိုင်မှုရှိတဲ့ အာဏာရှင်စနစ်ရဲ့ ဖွင့်ဆိုချက်
ဒီဆောင်းပါးမှာတော့ စပ်ကျားအုပ်ချုပ်ရေး စနစ်ပုံစံတမျိုးဖြစ်တဲ့ “ယှဉ်ပြိုင်မှုရှိတဲ့ အာဏာရှင်စနစ် (Competitive)
authoritarianism)” ကို လေ့လာသုံးသပ်မှာ ဖြစ်ပါတယ်။ ယှဉ်ပြိုင်မှုရှိတဲ့ အာဏာရှင် အုပ်ချုပ်ရေးစနစ်တွေမှာ ဆိုရင် ပုံစံတကျ သတ်မှတ်ထားတဲ့ ဒီမိုကရေစီကျင့်ထုံးတွေဟာ နိုင်ငံရေး အာဏာကို ရယူဖို့နဲ့ ကျင့်သုံးဖို့အတွက် တခုတည်းသော နည်းလမ်းတွေအဖြစ် လက်ခံကြတယ်။ ဒါပေမယ့် အာဏာရ အစိုးရအဖွဲ့တွေဟာ အဲဒီ စည်းမျဉ်း စည်းကမ်းတွေကို မကြာခဏ ချိုးဖောက်ကြတယ်။
ဒီမိုကရေစီအတွက် အနိမ့်ဆုံး ကြမ်းခင်း သတ်မှတ်ချက်တွေကိုတောင် မပြည့်မီဘူးလို့ ဆိုရလောက်တဲ့ ပမာဏအထိ ချိုးဖောက်ကြတယ်။ သာဓကတွေပြောရရင် ဖရန်ဂျို တုဂ်ျမန် လက်ထက် ခရိုအေးရှား၊ ဆလိုဘိုဒန် မီလိုဆီဗစ်လက်ထက် ဆာဘီးယား၊ ဗလာဒီမီယာ ပူတင် လက်ထက် ရုရှား၊ လီယိုနစ်ကရာဗ်ချု နဲ့ လီယိုနစ်ကုခ်ျမာ လက်ထက် ယူကရိန်း၊ အယ်လ်ဘာတို ဖူဂျီမိုရီ လက်ထက် ပီရူးနဲ့ ၁၉၉၅ ခုနှစ်နောက်ပိုင်း ဟေတီ တို့အပြင် ၁၉၉၀ ပြည့်နှစ်များကာလက အယ်လ်ဘေးနီးယား၊ အာမေးနီးယား၊ ဂါနာ၊ ကင်ညာ၊ မလေးရှား၊ မက္ကဆီကိုနဲ့ ဇမ်ဘီယာတို့ပါပဲ။ အဲဒီ နိုင်ငံရေး စနစ်ပုံစံတွေကို ပညာရှင်တွေက တစိတ်တပိုင်း ဒါမှမဟုတ် “အားပျော့” ဒီမိုကရေစီပုံစံတွေအဖြစ် ဝိဂြိုဟ် ပြုကြပေမယ့် သူတို့ဟာ “အားပျော့” အာဏာရှင်စနစ်လို့ သုံးနှုန်းရင် ပိုကောင်းပါလိမ့်မယ်။

ယှဉ်ပြိုင်မှုရှိတဲ့ အာဏာရှင်စနစ်ကို ဒီမိုကရေစီနဲ့ရော အာဏာရှင်စစ်စစ် စနစ်တွေကပါ ခွဲထုတ်ကြည့်ဖို့ လိုအပ်မယ် ခေတ်သစ် ဒီမိုကရေစီစနစ်တိုင်းဟာ အနိမ့်ဆုံး လိုအပ်ချက် ၄ ရပ်စလုံးနဲ့တော့ ကိုက်ညီကြတာပဲ။ (၁) အားလုံး ပါဝင်နိုင်တဲ့၊ လွတ်လပ်ပြီးတရားမျှတတဲ့ ရွေးကောက်ပွဲတွေ ကနေတဆင့် အုပ်ချုပ်ရေးနဲ့ ဥပဒေပြုရေး လုပ်မယ့်သူတွေကို ရွေးကောက်တင်မြှောက်ကြတယ်။ (၂) အရွယ်ရောက်ပြီးသူ အားလုံးနီးပါးဟာ မဲပေးပိုင်ခွင့်ရရှိကြတယ်။ (၃) နိုင်ငံရေးဆိုင်ရာ ရပိုင်ခွင့်တွေနဲ့ (စာနယ်ဇင်းလွတ်လပ်ခွင့်၊ လွတ်လပ်စွာ အသင်းအပင်း ဖွဲ့စည်းခွင့်၊ အရေးယူမှု ကင်းလွတ်စွာနဲ့ အစိုးရအပေါ် လွတ်လပ်စွာ ဝေဖန်ပိုင်ခွင့်တွေ အပါအဝင်) အရပ်ဘက် လွတ်လပ်ခွင့်တွေကို ကျယ်ကျယ်ပြန့်ပြန့် ကာကွယ်ပေးထားတယ်။ (၄) ရွေးကောက် တင်မြှောက်လိုက်သူ အားလုံးဟာ စစ်တပ်နဲ့ ဘာသာရေး ခေါင်းဆောင်ပိုင်းရဲ့ ဝင်ရောက် ထိန်းကျောင်းမှုမခံရဘဲ အမှန်တကယ် စီမံအုပ်ချုပ်ခွင့်အာဏာကို ပိုင်ဆိုင်ကြတယ်။

တင်းပြည့်ကျပ်ပြည့် ဒီမိုကရေစီစနစ်တွေမှာ တခါတရံ ခုနကပြောတဲ့ အချက် ၄ ချက်အနက် တချက်ချက်ပဲ ဖြစ်ဖြစ်၊ တချက်ထက် မကဘဲဖြစ်ဖြစ် ချိုးဖောက်ကောင်း ချိုးဖောက်မှာဖြစ်ပေမယ့် အဲဒီလို ချိုးဖောက်တာဟာ ကျယ်ကျယ် ပြန့်ပြန့် မရှိသလို စနစ်တကျ ချိုးဖောက်တာလည်း မဟုတ်တဲ့အတွက် လက်ရှိ အစိုးရအဖွဲ့တွေအတွက် ဒီမိုကရေစီဆိုင်ရာ စိန်ခေါ်မှုတွေတော့ ပေါ်လာမှာ မဟုတ်ပါဘူး။ တနည်းပြောရရင် အဲဒီလို ချိုးဖောက်မှုတွေဟာ အစိုးရနဲ့ အတိုက်အခံကြားက ကစားကွင်းကိုတော့ လုံးဝဥဿုံ ပြောင်းလဲပစ်လိုက်စရာ မရှိပါဘူး။

ယှဉ်ပြိုင်မှုရှိတဲ့ အာဏာရှင်စနစ်တွေကို ကြည့်ရင်တော့ အထက်ပါ အချက်တွေကို ချိုးဖောက်မှုတွေဟာ ပိုပြီးတော့ အကြိမ်ရေများပြီး ပိုလည်း အရေးတယူ ထားလောက်တာမို့ အစိုးရနဲ့ အတိုက်အခံကြား ဘက်မညီတဲ့ ကစားကွင်းကို ဖြစ်စေတယ်။ ရွေးကောက်ပွဲတွေကို ပုံမှန်ကျင်းပပေးပြီး မသမာမှု အကြီးအကျယ်မရှိပေမယ့် အာဏာရအစိုးရတွေဟာ နိုင်ငံပိုင် အရင်းအမြစ်တွေကို အလွဲသုံးစားလုပ်တာ၊ အတိုက်အခံတွေကို လုံလောက်တဲ့ မီဒီယာ ရယူခွင့်မပေးတာ၊ အတိုက်အခံဘက်က ဝင်ရောက်ယှဉ်ပြိုင်မယ့် သူတွေနဲ့ သူတို့ကို ထောက်ခံသူတွေကို နှောင့်ယှက်တာအပြင် တချို့ဖြစ်ရပ်တွေမှာဆိုရင် ရွေးကောက်ပွဲ ရလဒ်ကိုတောင် ကြိုက်သလိုဖြစ်အောင် ကြိုးကိုင် ထိန်းချုပ်တာတွေ ရှိပါတယ်။ သတင်းသမားတွေ၊ အတိုက်အခံ နိုင်ငံရေးသမားတွေနဲ့ အစိုးရကို ဝေဖန်သူတွေအနေနဲ့ စောင့်ကြည့် ထောက်လှမ်းခြင်း ခံရမယ်၊ ခြိမ်းခြောက် ခံရမယ်၊ နှောင့်ယှက်ခံရမယ်၊ သို့မဟုတ် အဖမ်းခံရမယ်။ အတိုက်အခံပါတီ အဖွဲ့ဝင်တွေ အနေနဲ့လည်း ထောင်ချခံရတာ၊ ပြည်နှင်ဒဏ် အပေးခံရတာ၊ နောက်ပြီး အတွေ့ရနည်းပေမယ့် အတိုက်ခိုက် ခံရတာမျိုး အသတ်ခံရတာမျိုးတွေလည်း ရှိနေနိုင်ပါတယ်။ အဲဒီလို လက္ခဏာရပ်တွေ ရှိနေတဲ့ နိုင်ငံရေးစနစ်တွေကိုတော့ ဒီမိုကရေစီလို့ ခေါ်လို့မရနိုင်ပါဘူး။

ယှဉ်ပြိုင်မှုရှိတဲ့ အာဏာရှင်စနစ်မျိုးကို မတည်ငြိမ်တဲ့၊ မထိရောက်တဲ့၊ ဒါမှမဟုတ် ချို့ယွင်း အားနည်းမှု ရှိပေမယ့် ဒီမိုကရေစီ အခြေခံစံချိန်တွေ ပြည့်မီတဲ့ အစိုးရမျိုးနဲ့ မရောထွေးသွားဖို့ လိုပါတယ်။ အဲဒီလို အစိုးရတွေက ဂီလာမိုအို ဒွန်နယ် (Guillermo O’Donnell) ရဲ့  အသုံးအတိုင်းပြောရရင် “ကိုယ်စားလှယ် ဒီမိုကရေစီ (Delegative democracy)” တွေပါ။ ယှဉ်ပြိုင်မှုရှိတဲ့ အဲဒီကိုယ်စားလှယ် ဒီမိုကရေစီတွေဟာ အိုဒွန်နယ် အဆိုအရ အလျားလိုက် တာဝန်ခံမှု (အပြန်အလှန် ထိန်းကျောင်းမှု) ရေချိန်နိမ့်တယ်။ ဒါကြောင့် အင်အားကောင်းတဲ့၊ တိုက်ရိုက် ဒီမိုကရေစီဆန်တဲ့၊ အခါအားလျော်စွာ အလွဲသုံးစားလုပ်တဲ့ အုပ်ချုပ်ရေးမဏ္ဍိုင်ကို ဖြစ်ပေါ်စေတယ်။ ဒီလိုဆိုပေမယ့်လည်း အဲဒီလို အစိုးရစနစ်တွေဟာ ဒီမိုကရေစီရဲ့  အနိမ့်ဆုံးစံချိန် သတ်မှတ်ချက်နဲ့ ကိုက်ညီသေးတယ်။ ကိုယ်စားလှယ် ဒီမိုကရေစီစနစ်ကို ၁၉၉၀ ပြည့်လွန်နှစ်တွေတုန်းက အာဂျင်တီးနားနဲ့ ဘရာဇီးနိုင်ငံတွေ၊ နောက်ပြီး ဖူဂျီမိုရီရဲ့ ၁၉၉၂ ခုနှစ် သမ္မတအာဏာသိမ်းမှု မတိုင်ခင်က ပီရူးနိုင်ငံတို့မှာ တွေ့ရတယ်။

ယှဉ်ပြိုင်မှုရှိတဲ့ အာဏာရှင်စနစ်တွေဟာ ဒီမိုကရေစီ မစစ်ဘူးဆိုရင် သူတို့ဟာ အာဏာရှင်လည်း မစစ်ဘူးလို့ ဆိုရမယ်။ ယှဉ်ပြိုင်မှုရှိတဲ့ အာဏာရှင်စနစ်တွေမှာဆိုရင် လက်ရှိ အာဏာရထားသူတွေဟာ စံကိုက် ဒီမိုကရေစီ စည်းမျဉ်းတွေကို ထိန်းချုပ်တာ၊ ကြိုးကိုင်တာရှိပေမယ့် သူတို့ကို လုံးဝ ဖယ်ရှားပစ်တာ၊ ဒါမှမဟုတ် သာမန် ရုပ်ပြအဆင့်လောက်အထိ လျှော့ချပစ်တာတော့ မလုပ်နိုင်ကြဘူး။ ဒီမိုကရေစီ လုပ်ထုံးလုပ်နည်းတွေကို ပြောင်ကျကျ ချိုးဖောက်တာမျိုး မလုပ်နိုင်ပေမယ့် (ဥပမာ အတိုက်အခံနဲ့ မီဒီယာကို ပိတ်ပင်တာ၊ ဖိနှိပ်တာ) အာဏာလက်ရှိ ရထားသူတွေဟာ လာဘ်ထိုးတာ၊ အဖွဲ့ဝင်ခိုင်းတာ၊ သိမ်မွေ့တဲ့နည်းနဲ့ နှိပ်ကွပ်ပစ်တာ (ဥပမာ – အခွန် အရာရှိတွေ၊ ခိုင်းတာလုပ်မယ့် တရားရေးဝန်ထမ်းတွေ၊ တခြားသော နိုင်ငံတော် လက်ကိုင်အဖွဲ့တွေကို သုံးပြီး “တရားဥပဒေနဲ့အညီ” ဝေဖန်သူတွေကို နှောင့်ယှက်တာ၊ နှိပ်ကွပ်တာ၊ သူတို့ဆီက ပူးပေါင်းဆောင်ရွက်မှု ရလာအောင် ဖိအားပေးတာ) တွေကို ပိုပြီး တွေ့ရနိုင်ပါတယ်။ ဒါပေမယ့် တကယ်လို့ အာဏာ လက်ကိုင်ထားသူတွေဘက်က အလေးသာနေခဲ့တယ် ဆိုရင်တောင်မှ အဓိပ္ပာယ်ရှိတဲ့ ဒီမိုကရေစီကျင့်ထုံးတွေ ရှိနေခြင်းဟာ အတိုက်အခံ အင်အားစုတွေဘက်က ထိရောက်တဲ့ စိန်ခေါ်မှုတွေ ပေးနိုင်မယ့် နေရာတွေကို ဖန်တီးပေးတယ်။ ဒါရဲ့ ရလဒ်အနေနဲ့ ဒီမိုကရေစီ ကျင့်ထုံးတွေဟာ ဆိုးဆိုးရွားရွား ချို့ယွင်းနေခဲ့ရင်တောင် အာဏာရှင် အစိုးရရော၊ အတိုက်အခံတွေရော အဲဒီ ကျင့်ထုံးတွေနဲ့ ပတ်သက်ပြီး အလေးအနက်ထားဖို့ လိုတယ်။

ဒီသဘောအရ ယှဉ်ပြိုင်မှုရှိတဲ့ အာဏာရှင်စနစ်ဟာ “ရုပ်ပြဆန်တဲ့” အရွေးကောက်ခံ အစိုးရစနစ် (ရွေးကောက်မှုနဲ့ ဆိုင်တဲ့ အလေ့အထတွေ ရှိနေပေမယ့် အာဏာအတွက် အမှန်တကယ် ယှဉ်ပြိုင်ကြတဲ့ အနေအထား မထွက်ပေါ်တဲ့ နိုင်ငံတွေ ဥပမာ – အီဂျစ်၊ စင်ကာပူနဲ့ ၁၉၉၀ ပြည့်လွန်နှစ် ကာလက ဥဇဘက်ကစ္စတန်) တွေနဲ့ မတူဘဲ သိသိသာသာ ကွဲတယ်ဆိုတာ ပေါ်လွင်တယ်။
အဲဒီလို နိုင်ငံရေးစနစ်မျိုးကို “ဒီမိုကရေစီ အတု”၊ “အရိပ်အယောင် ဒီမိုကရေစီ”၊ “ရွေးကောက်ပွဲရှိတဲ့ အာဏာရှင်” အုပ်ချုပ်ရေးစနစ်မျိုးလို့ ခေါ်ဝေါ် သုံးစွဲကြတာရှိတယ်။ ကျနော်တို့ အမြင်မှာတော့ အဲဒါတွေဟာ တင်းပြည့်ကျပ်ပြည့် အာဏာရှင်စနစ် ဖြစ်ရပ် သာဓကတွေပဲ ဖြစ်တယ်။ အဲဒီလို အုပ်ချုပ်ရေးစနစ်မျိုးနဲ့ ယှဉ်ပြိုင်မှုရှိတဲ့ အာဏာရှင်စနစ် အကြားမှာ မျဉ်းကြောင်းဆွဲပြဖို့ခက်တယ်။ ယှဉ်ပြိုင်မှုမရှိတဲ့ ရွေးကောက်ပွဲ အလေ့အထ တွေဟာလည်း တနေ့မှာ ယှဉ်ပြိုင်မှု ရှိလာနိုင်တယ် (မက္ကဆီကိုနိုင်ငံမှာ ဖြစ်ခဲ့သလိုမျိုး)။ ဒီနေရာမှာ အတိုက်အခံတွေ အာဏာရယူနိုင်ဖို့ လမ်းကြောင်းတွေကို ဒီမိုကရေစီ အင်စတီကျုးရှင်းတွေက ဖန်တီးပေးနိုင်တဲ့ နိုင်ငံရေးစနစ်မျိုးနဲ့ လက်ရှိ အာဏာရ ခေါင်းဆောင်ပိုင်း တရားဝင်နေစေဖို့ သက်သက်အတွက်သာ ဒီမိုကရေစီစည်းစနစ်တွေ ကျင့်သုံးတဲ့ နိုင်ငံရေးစနစ်မျိုးကို မရောထွေးဖို့ သိပ်အရေးကြီးပါတယ်။

နောက်ဆုံးအနေနဲ့ကတော့ ယှဉ်ပြိုင်မှုရှိတဲ့ အာဏာရှင်စနစ်မျိုးကို တခြားတခြားသော စပ်ကျားနိုင်ငံရေး စနစ်တွေနဲ့ မတူတာကို မြင်အောင်ကြည့်ဖိုို့ လိုပါတယ်။ နိုင်ငံရေးစနစ်တွေကို ကြည့်ရင် အာဏာရှင်နဲ့ ဒီမိုကရေစီ သွင်ပြင် လက္ခဏာတွေကို ပုံစံအမျိုးမျိုးနဲ့ ရောနှောထားနိုင်ပါတယ်။ ယှဉ်ပြိုင်မှုရှိတဲ့ အာဏာရှင်စနစ် ဆိုတာဟာ အဲဒီလို နိုင်ငံရေးစနစ် ပုံစံတွေ အားလုံးနဲ့ အကျုံးဝင်တဲ့စနစ်မျိုးလို့ မရှုမြင်သင့်ပါဘူး။ တခြားသော စပ်ကျားနိုင်ငံရေး စနစ်အမျိုးအစားတွေမှာ “ဖယ်ထုတ်တဲ့ သမ္မတ နိုင်ငံတွေ (Exclusive Republics)” (အားကောင်းတဲ့ ဒီမိုကရေစီ အလေ့အထတွေ ရှိပေမယ့် နိုင်ငံသား ဥပဒေ အပေါ် သိပ်တင်းကျပ်တဲ့ နိုင်ငံရေး စနစ်မျိုး) နဲ့ “စောင့်ရှောက်ခံ” ဒါမှမဟုတ် “လမ်းညွှန်” ဒီမိုကရေစီ (ဒီမိုကရေစီမဆန်တဲ့ အစုအဖွဲ့တွေဖြစ်တဲ့ စစ်တပ်လို၊ ဘာသာရေး ခေါင်းဆောင်လို ပုဂ္ဂိုလ်တွေက ဗီတိုအာဏာ ကိုင်စွဲထားတဲ့ ယှဉ်ပြိုင်မှုရှိတဲ့ နိုင်ငံရေးစနစ်) မျိုးတွေ ပါဝင်ပါတယ်။

ဒီမိုကရေစီနည်းကျ ယှဉ်ပြိုင်မှုဆိုင်ရာ ကဏ္ဍလေးရပ်
ယှဉ်ပြိုင်မှုရှိတဲ့ အာဏာရှင်နိုင်ငံရေး စနစ်တွေမှာ ပီပြင်တဲ့ ဒီမိုကရေစီကျင့်ထုံးတွေ တည်တံ့ခိုင်မြဲတဲ့အတွက် အတိုက်အခံ အင်အားစုတွေဟာ အမိန့်အာဏာကျင့်သုံးတဲ့ အာဏာရ အစိုးရတွေကို အချိန်ကာလတခု ရောက်တိုင်း ပုံမှန် စိန်ခေါ်နိုင်တာ၊ အားနည်းအောင် လုပ်နိုင်တာ၊ ရံဖန်ရံခါ အနိုင်ပါယူနိုင်တာမျိုး လုပ်နိုင်တဲ့ ယှဉ်ပြိုင်မှုဆိုင်ရာ ကဏ္ဍနယ်ပယ်တွေ ရှိပါတယ်။ အဲဒီမှာမှ အရေးပါတဲ့ ကဏ္ဍလေးရပ်ကတော့ (၁) ရွေးကောက်ပွဲနဲ့ ဆိုင်တဲ့ကဏ္ဍ၊ (၂) ဥပဒေပြုရေးကဏ္ဍ၊ (၃) တရားစီရင်ရေးကဏ္ဍနဲ့ (၄) သတင်းမီဒီယာ ကဏ္ဍတို့ပဲဖြစ်တယ်။

(၁) ရွေးကောက်ပွဲကဏ္ဍ
ပထမဆုံးနဲ့ အရေးအကြီးဆုံး ကဏ္ဍပြဲဖစ်ပါတယ်။ အာဏာရှင်ဆန်တဲ့ နိုင်ငံရေးစနစ်တွေမှာဆိုရင် ရွေးကောက်ပွဲတွေလုံးဝ မရှိတာလည်း ဖြစ်ချင်ဖြစ်မယ်၊ ရှိသော်လည်း အကြိတ်အနယ် မယှဉ်ပြိုင်ကြတာလည်း ဖြစ်ချင်ဖြစ်မယ်။ ရွေးကောက်ပွဲမှာ ဝင်ရောက် ယှဉ်ပြိုင်တဲ့စနစ်ဟာ ကျူးဘားတို့၊ တရုတ်တို့မှာလိုမျိုး ဥပဒေအရကို မရှိတာမျိုးလည်း ဖြစ်နိုင်သလို ကာဇက်စတန်နဲ့ ဥဇဘက်ကစ္စတန်တို့မှာလိုမျိုး လက်တွေ့သဘောအရ ရှိမနေတာလည်း ဖြစ်နိုင်တယ်။ ဒုတိယ တမျိုးမှာဆိုရင် အတိုက်အခံပါတီတွေကို အကြီးအကျယ် ပိတ်ပင်ထားမယ်၊ ဒါမှမဟုတ် ရွေးကောက်ပွဲမှာ ဝင်လို့မရအောင် ညစ်ထားမယ်၊ အတိုက်အခံ ခေါင်းဆောင်တွေကိုလည်း ဖမ်းဆီး ထောင်ချထားမယ် ဆိုတာမျိုးတွေ တွေ့ရတယ်။ ဒါ့အပြင် သီးခြား လွတ်လပ်တဲ့ ဒါမှမဟုတ် ပြင်ပက လေ့လာသူတွေ လာရောက်ပြီး မဲရေတွက်မှု ရလဒ်တွေကို အပြိုင်အားဖြင့် စစ်ဆေးမှုကို တားမြစ်ထားတဲ့အတွက် မဲခိုးမှုဖြစ်ဖို့ အခွင့်အလမ်း အကြီးအကျယ် ရစေပါတယ်။

ရလဒ်ကတော့ အတိုက်အခံ အင်အားစုတွေဟာ လက်ရှိ အာဏာရထားသူတွေအတွက် မှုလောက်တဲ့ ခြိမ်းခြောက်မှု မဟုတ်တော့ဘူး။ ပြီးတော့ ရွေးကောက်ပွဲတွေဟာ ဘယ်လို ရည်ရွယ်ချက်နဲ့ပဲ ကျင်းပကျင်းပ ပြိုင်ဆိုင်မှု မပြင်းထန်တော့ဘူး။ ဒါကြောင့်လည်း ကာဇက်စတန် သမ္မတ နူရ်စူလ်တန် နာဇာဘာယက်ဗ်ဟာ ၁၉၉၉ ခုနှစ် ရွေးကောက်ပွဲမှာ မဲ ၈၀ ရာခိုင်နှုန်းနဲ့ ပြန်လည် အရွေးခံရတယ်။ ဥဇဘက် ကစ္စတန်မှာ သမ္မတ အစ္စလမ် ကာရီမော့ဗ် ဟာလည်း ၂၀၀၀ ပြည့်နှစ်မှာ ၉၂ ရာခိုင် နှုန်းသောမဲနဲ့  ပြန်လည် အနိုင်ရရှိခဲ့ပြန်တယ် (သမ္မတကို မဲအရေအတွက် ၇၀ ရာခိုင်နှုန်းကျော်နဲ့ ပြန်လည် ရွေးကောက် တင်မြောက်တဲ့ နိုင်ငံရေး စနစ်တွေဟာ ပြိုင်ဆိုင်မှု မပြင်းထန်ဘူးလို့ လက်တွေ့ဖြစ်ရပ်များကို ကိုးကားပြီး ယေဘုယျ ပြောဆိုကြပါတယ်)။ ဒီလိုဖြစ်ရပ်မျိုးကိုကြည့်ရင် သမ္မတ သေသွားတာ၊ ဒါမှမဟုတ် သူ့ကိုအကြမ်းနည်းနဲ့  ဖြုတ်ချတာကသာလျှင် ရွေးကောက်ပွဲကတဆင့် ဖြုတ်ချတာထက် ပိုပြီး ဖြစ်နိုင်ခြေရှိတယ်လို့ ရှုမြင်လေ့ရှိကြတယ်။

ယှဉ်ပြိုင်မှုရှိတဲ့ အာဏာရှင်စနစ်တွေမှာ မတူတာတခုက ရွေးကောက်ပွဲတွေမှာ အကြိတ်အနယ် ပီပီပြင်ပြင် ယှဉ်ပြိုင်ကြတာပဲ။ ရွေးကောက်ပွဲ လုပ်ငန်းစဉ် အဆင့်ဆင့်ကို ကြည့်ရင် နိုင်ငံရဲ့အာဏာကို အလွဲသုံးစားလုပ်တာ၊ မီဒီယာက ဘက်လိုက်ပေးတာ၊ (မကြာခဏဆိုသလို အကြမ်းဖက်ပြီး) အတိုက်အခံဘက်က ဝင်ရောက်ယှဉ်ပြိုင်သူတွေနဲ့ တက်ကြွ လှုပ်ရှားသူတွေကို နှောင့်ယှက်တာ၊ ပွင့်လင်းမြင်သာမှု အပိုင်းမှာ အားလုံး အတိုင်းအတာနဲ့ ကင်းမဲ့နေတာ စတဲ့ လက္ခဏာရပ်တွေ ရှိနေနိုင်ပေမယ့်လည်း ရွေးကောက်ပွဲတွေကို ပုံမှန် အပိုင်းအခြားနဲ့ ကျင်းပတယ်၊ အပြိုင်အဆိုင်ရှိတယ် (အဓိက အတိုက်အခံ ပါတီတွေနဲ့ ရွေးကောက်ခံသူတွေ ဝင်ပြိုင်လေ့ရှိတယ်)၊ မသမာမှုလုပ်တာ အကြီးအကျယ်တော့ မရှိဘူး။ ဖြစ်ရပ် အများအပြားမှာတော့ နိုင်ငံတကာက လေ့လာသူတွေ ရှိနေတာ၊ ဒါမှမဟုတ် မဲရေတွက်မှုအပြိုင် လုပ်ထုံးစနစ်တခု ရှိတာကြောင့် လက်ရှိအာဏာရသူတွေ အနေနဲ့ ကြီးကြီးမားမား မဲခိုးတာမျိုး၊ မဲလိမ်တာမျိုး မလုပ်နိုင်အောင် ကန့်သတ်လိုက်သလိုလည်း ဖြစ်ပါတယ်။ ဒါရဲ့ အကျိုးဆက်အနေနဲ့ကတော့ ရွေးကောက်ပွဲက ထွက်လာမယ့် ရလဒ်ကို မှန်းလို့ အပိုင်တွက်လို့ မရနိုင်ဘူး။ အာဏာကို လက်မလွှတ်ချင်တဲ့ အစိုးရအဖွဲ့တွေဟာ ဒါကို လေးလေးနက်နက် ထည့်ပြီး စဉ်းကိုစဉ်းစားရတယ်။

သာဓကအနေနဲ့ ရုရှားသမ္မတ ဘောရစ် ယဲ့လ်ဆင်ဟာ ၁၉၉၆ ခုနှစ်မှာနဲ့ ယူကရိန်း သမ္မတ လီယိုနစ် ကုခ်ျမာဟာ ၁၉၉၉ မှာ ယခင် ကွန်မြူနစ်ဟောင်း ပါတီတို့ရဲ့  စိန်ခေါ်မှုကို ရွေးကောက်ပွဲမှာ အကြီးအကျယ် ရင်ဆိုင်ခဲ့ရတယ်။ ကိုယ့်အပိုင်မဲတွေ သေချာစေဖို့ နည်းလမ်းမျိုးစုံ သုံးခဲ့ပေမယ့် ကုခ်ျမာဟာ ၁၉၉၉ ခုနှစ် သမ္မတရွေးကောက်ပွဲ ပထမအကျော့မှာ မဲ ၃၅ ရာခိုင်နှုန်းနဲ့ ဒုတိယအကျော့မှာ ၅၆ ရာခိုင်နှုန်းသာ အသီးသီးရခဲ့တယ်။ ကင်ညာနိုင်ငံမှာလည်း သက်တမ်းရှည် အာဏာရှင်ကြီး ဒင်နီယယ် အာရပ်မွိုင်ဟာ ၁၉၉၂ နဲ့ ၁၉၉၇ ခုနှစ်ရွေးကောက်ပွဲတွေမှာ ကျန်အတိုက်အခံ မဲတွေထက် စုစုပေါင်းမှာ အသာမရဘဲ တဦးချင်းအနေနဲ့သာ ပွတ်ကာသီကာ အသာရပြီး ပြန်အရွေးကောက်ခံခဲ့ရတယ်။ ဇင်ဘာဘွေမှာ ဆိုရင်လည်း အတိုက်အခံ ပါတီဖြစ်တဲ့ ဒီမိုကရက်တစ် ပြုပြင်ပြောင်းလဲရေး လှုပ်ရှားမှုပါတီဟာ ၂၀၀၀ ပြည့်နှစ် လွှတ်တော်ရွေး ကောက်ပွဲတွေမှာ အနိုင်ရလုနီးနီးပဲ။ သာဓက ဖြစ်ရပ်တချို့မှာ ဥပမာ – ၁၉၉၀ မှာ နီကာရာဂွာ၊ ၁၉၉၁ မှာ ဇမ်ဘီယာ၊ ၁၉၉၄ မှာ မာလာဝီနဲ့ ယူကရိန်း၊ ၁၉၉၇ မှာ အယ်လ်ဘေးနီးယားနဲ့ ၂၀၀၀ ပြည့်နှစ်မှာ ဂါနာ စတဲ့နိုင်ငံတွေမှာ အတိုက်အခံတွေဟာ တည်ဆဲ အာဏာရှင် အစိုးရတွေ ဒါမှမဟုတ် အာဏာရှင်တို့နဲ့ ပလဲနံပသင့်တဲ့ ယှဉ်ပြိုင်ဖက်တွေကို လုံးဝ အနိုင်ရခဲ့တာကို တွေ့ရတယ်။

တည်ဆဲ အစိုးရတွေဟာ ရွေးကောက်ပွဲ ရလဒ်တွေကို လိုသလို ကြိုးကိုင်နိုင်တယ် ဆိုပေမယ့် အဲဒီလိုလုပ်ခြင်းဟာ သူတို့လည်း အခန့်မသင့်ရင် ဒုက္ခရောက်သွားနိုင်ပါတယ်။ ပီရူးမှာ ဖူဂျီမိုရီဟာ ၂၀၀၀ ပြည့်နှစ်မှာ ပြန်လည် အနိုင်ရရှိပေမယ့် လအနည်းငယ် အကြာမှာတော့ အရှုပ်တော်ပုံတွေနဲ့အတူ နုတ်ထွက်ဖို့ ဖိအားပေးခံရပါတယ်။ အလားတူပဲ မီလိုဆီဗစ်ရဲ့ ၂၀၀၀ ပြည့်နှစ် ရွေးကောက်ပွဲ ရလဒ်တွေကို ကပြောင်းကပြန်လုပ်ဖို့ ကြိုးပမ်းမှုကြောင့် အကျပ်အတည်း ဖြစ်လာပြီး သမ္မတလည်း နုတ်ထွက်ခဲ့ရတယ်။ ရွေးကောက်ပွဲမှာ မသမာမှု လုပ်တဲ့အတွက် အစိုးရအဖွဲ့ အကျပ်အတည်းဖြစ်တာမျိုး မက္ကဆီကိုနိုင်ငံမှာ ၁၉၈၈ ခုနှစ်နဲ့ အာမေးနီးယားနိုင်ငံမှာ ၁၉၉၆ ခုနှစ်တို့မှာ ဖြစ်ခဲ့ဖူးတယ်။

(၂) ဥပဒေပြုရေးကဏ္ဍ
လုံးဝ တင်းပြည့်ကျပ်ပြည့် အာဏာရှင်စနစ်တွေမှာ ဥပဒေပြုရေးအပိုင်းဟာ လုံးဝမရှိတာ၊ ဒါမှမဟုတ် အုပ်စိုးထားတဲ့ ပါတီတခုရဲ့  ထိန်းချုပ်မှုအောက်မှာရှိပြီး ဥပဒေပြုရေးနဲ့ အုပ်ချုပ်ရေး မဏ္ဍိုင်နှစ်ခုကြား ပဋိပက္ခဆိုတာ စဉ်းစားစရာတောင် မလိုသလောက်ပါပဲ။ ယှဉ်ပြိုင်မှုရှိတဲ့ အာဏာရှင် စနစ်မျိုးမှာတော့ ဥပဒေပြုရေးအပိုင်းဟာ ယှဉ်ကြည့်ရင်တော့ အားနည်းနေတာကို တွေ့ရပေမယ့် အတိုက်အခံပြုမှု အားလုံးရဲ့  ဆုံချက်ဖြစ်လာတတ်တာကို တွေ့ရတယ်။ အထူးသဖြင့်တော့ လက်ရှိ အာဏာရအစိုးရအဖွဲ့မှာ အားကောင်းတဲ့ ပါတီများ မပါရင် အဲဒီ အခြေအနေမျိုး ဖြစ်လာနိုင်ပါတယ်။

၁၉၉၀ ပြည့်လွန်နှစ်တွေတုန်းက ယူကရိန်းမှာရော ရုရှားမှာပါ ဖြစ်ခဲ့တာက ကွန်မြူနစ်ဟောင်းကြီးတွေနဲ့ လက်ဝဲယိမ်းပါတီတွေ လွှမ်းမိုးထားတဲ့ ပေကပ်ကပ် နိုင်တဲ့ ပါလီမန်တွေကို သမ္မတတွေ ရင်ဆိုင်ခဲ့ရတာပါပဲ။ သမ္မတ ကုခ်ျမာရဲ့ စီးပွားရေး ပြုပြင်ပြောင်းလဲရေး ဥပဒေကြမ်းဟာ ယူကရိန်းပါလီမန်ရဲ့ ထပ်ခါထပ်ခါ ပယ်ချခံရတာ၊ ဒါမှမဟုတ် ပြင်ဆင် တည်းဖြတ်တာ ခံရတာမျိုး ကြုံခဲ့ရပြီး ၂၀၀၀-၂၀၀၁ ခုနှစ်မှာဆိုရင်လည်း မပူးပေါင်းရင် “လိုအပ်တဲ့” အရေးယူ ဆောင်ရွက်မှုမျိုး လုပ်မယ်ဆိုတဲ့ သမ္မတ ကုခ်ျမာရဲ့  ခြိမ်းခြောက်မှု ရှိခဲ့ပေမယ့် ဥပဒေပြုရေးမဏ္ဍိုင်ရဲ့ အာဏာကို လျှော့ချဖို့အတွက် လူထုဆန္ဒခံယူပွဲလုပ်ဖို့ ကြိုးပမ်းတဲ့ သမ္မတ ကုခ်ျမာရဲ့ အားထုတ်မှုကို ပါလီမန်က ပိတ်ဆို့ထားနိုင်ခဲ့ပါတယ်။ (ပီရူးမှာ ၁၉၉၂ ခုနှစ်နဲ့ ရုရှားမှာ ၁၉၉၃ ခုနှစ်တို့မှာလိုမျိုး) လွှတ်တော်ကို ကျော်ဖြတ်ဖို့ ဒါမှမဟုတ် ဖျက်သိမ်းဖို့ လက်ရှိအာဏာရ အစိုးရတွေက ကြိုးပမ်းကောင်း ကြိုးပမ်း နိုင်ပေမယ့်လည်း အဲဒီလိုလုပ်တာဟာ အထူးသဖြင့်တော့ နိုင်ငံတကာနယ်ကို ရောက်သွားရင် သိပ်ကို ဒဏ်ခံရပါတယ်။ ဒါကြောင့် ဖူဂျီမိုရီရော ယဲ့လ်ဆင်ရော သူတို့ရဲ့ “ကိုယ့်ဟာကိုယ် အာဏာသိမ်းမှု” နောက်ပိုင်း ၃ နှစ်အတွင်းမှာပဲ လွှတ်တော် ရွေးကောက်ပွဲ အသစ်တွေ ပြန်ကျင်းပပေးခဲ့ရပြီး ယဲ့လ်ဆင်ဟာလည်း ၁၉၉၃ ခုနှစ် အာဏာသိမ်းမှုနောက်ပိုင်း ပေါ်လာတဲ့ ပါလီမန်ရဲ့ ဆန့်ကျင်မှုနဲ့ ရင်ဆိုင်ခဲ့ရပြန်တယ်။
လက်ရှိ အာဏာရအစိုးရဟာ လွှတ်တော်တွင်းမှာ နေရာအများစု ရယူထားနိုင်တဲ့ ဖြစ်ရပ်မျိုးမှာတောင်မှ အတိုက်အခံ
အင်အားစုတွေအတွက် လွှတ်တော်ဟာ စည်းဝေးဖို့၊ တခုခုကို စည်းရုံးလုပ်ဆောင်ဖို့နဲ့ (မီဒီယာက လွတ်လပ်ရင် လွတ်လပ် သလောက်) အစိုးရကို ဝေဖန်ဖို့အတွက် စင်မြင့်တခုဖြစ်တယ်။ ပီရူးမှာဆိုရင် ၁၉၉၅ နဲ့ ၂၀၀၀ ပြည့်နှစ် အကြားမှာ အတိုက်အခံ ပါတီတွေ အနေနဲ့ ဥပဒေပြုရေးအပိုင်းတွေမှာ မလွှမ်းမိုးနိုင်ခဲ့ပေမယ့် ဖူဂျီမိုရီကို ဆန့်ကျင်တဲ့ လွှတ်တော်အမတ်တွေဟာ သူတို့ရဲ့အမြင်တွေကို ပြည်သူလူထု သိစေဖို့အတွက် ကွန်ဂရက် နဲ့ သတင်းမီဒီယာကို အသုံးချခဲ့တယ်။ ၂၀၀၀ ပြည့်နှစ် နိုဝင်ဘာလမှာ ယူကရိန်းမှာ အတိုက်အခံ ဒုတိယ ခေါင်းဆောင် အလက်ဇန္ဒား မိုရော့ဇ်ဟာ ပါလီမန်ကို အသုံးချပြီး သမ္မတကို လူသတ်မှုနဲ့ စွပ်စွဲတယ်။ သမ္မတ ဒုက္ခရောက်သွားစေနိုင်မယ့် တိပ်ခွေတွေကို သတင်းဌာနတွေဆီ ဖြန့်ချီခဲ့တယ်။

(၃) တရားစီရင်ရေးကဏ္ဍ
ယှဉ်ပြိုင်မှုရှိတဲ့ အာဏာရှင်စနစ်မှာဆိုရင် အစိုးရတွေဟာ တရားစီရင်ရေးကို သူတို့ခါးပိုက်ထဲ ထည့်ထားဖို့ အသည်းအသန် ကြိုးစားကြတယ်။ များသောအားဖြင့် တရားရေးဝန်ထမ်းတွေကို စွပ်စွဲပြစ်တင်တာ၊ ဒါမှမဟုတ် ဒီထက် သိမ်မွေ့တဲ့ နည်းဖြစ်တဲ့လာဘ်ထိုးတာ၊ အတင်းအကျပ် ဖိအားပေးတာနဲ့ ကိုယ့်ဘက်ကို အတင်းဆွဲထည့်တာမျိုးတွေ သုံးပြီး လုပ်လေ့ရှိတယ်။ သာဓက တခုအနေနဲ့ ပီရူးမှာ တရားရုံးချုပ် တရားသူကြီး အချို့  အပါအဝင် တရားသူကြီး မနည်းမနောဟာ ဖူဂျီမိုရီရဲ့ ထောက်လှမ်းရေး အကြီးအကဲဖြစ်တဲ့ ဗလာဒီမီရို မွန်တက်စီနို့ တည်ဆောက်ထားတဲ့ သူကောင်းပြုမှု၊ အကျင့်ပျက်မှု၊ ငွေညှစ်မှုစတာတွေပါတဲ့ ကွန်ရက်ကြီးထဲမှာ ငြိစွန်းနေခဲ့ကြတယ်။ ရုရှားမှာ အခြေခံဥပဒေဆိုင်ရာ တရားရုံးက ပါလီမန်ကို အခြေခံဥပဒေနဲ့ မညီကြောင်း၊ ယဲ့လ်ဆင်ရဲ့ ကြေညာချက်ဟာ အခြေခံဥပဒေနဲ့ မညီကြောင်း ကြေညာတော့ ယဲ့လ်ဆင်က အဲဒီတရားရုံးရဲ့ ဖုန်းလိုင်းတွေကို ဖြတ်တောက်ပစ်ပြီး တရားရုံးရဲ့လုံခြုံရေး အစောင့်အရှောက်တွေကိုလည်း ခေါ်ဆောင် သွားစေခဲ့တယ်။

ဖြစ်စဉ်ဖြစ်ရပ်အချို့မှာ အစိုးရအဖွဲ့တွေဟာ ခြိမ်းခြောက်တာ၊ အကြမ်းဖက်တာ စတဲ့ နည်းတွေကို သုံးလေ့ရှိတယ်။ ဇင်ဘာဘွေမှာဆိုရင် မူဂါဘီအစိုးရရဲ့ မြေယာဖြန့်ဖြူးရေးမူဝါဒ တစိတ်တဒေသအရ လူဖြူတွေပိုင်တဲ့ လယ်ယာမြေတွေကို သိမ်းဆည်းခြင်းဟာ တရားမဝင်ဘူးလို့ တရားရုံးချုပ်က ဆုံးဖြတ်တော့ လွတ်လပ်တဲ့ တရားသူကြီးတွေဟာ အစိုးရ ဘက်ကိုယိမ်းတဲ့ “စစ်ပြန်ကြီးများ” ဆီကနေ အကြမ်းဖက်ခံရမယ်ဆိုတဲ့ ခြိမ်းခြောက်မှုတွေ လှိမ့်ပြီး ရရှိခဲ့တယ်။ တရားသူကြီးချုပ် အန်ထော်နီ ဂူဘေ အပါအဝင် တရားသူကြီး ၄ ဦးဟာ ၂၀၀၁ ခုနှစ်မှာ စောစီးစွာ အနားယူဖို့ ရွေးချယ်ခဲ့ရပြီး သူတို့နေရာမှာ အစိုးရနဲ့ ပိုနီးစပ်တဲ့ တရားသူကြီးတွေကို အစားထိုးခဲ့တယ်။

လွတ်လပ်ပြီး ပုံစံတကျရှိတဲ့ တရားစီရင်ရေး ကဏ္ဍကို အုပ်ချုပ်ရေးရဲ့  အပြည့်အစုံ မဟုတ်တဲ့ ထိန်းချုပ်မှုနဲ့ ပေါင်းစပ် လိုက်တာဟာ အများမိုးခါးရေသောက်လို့ လိုက်မသောက်တတ်တဲ့ တရားသူကြီးတွေကို အခွင့်အလမ်းတခု ပေးပါတယ်။ သာဓက အနေနဲ့ ယူကရိန်းမှာ သမ္မတကုခ်ျမာရဲ့  ဥပဒေပြုရေးကဏ္ဍ အာဏာလျှော့ချရေး လူထုဆန္ဒခံယူပွဲဟာ မဖြစ်မနေ လိုက်နာရမယ့် အရာမဟုတ်ဘူး (အမိန့်အာဏာပါတဲ့အရာ မဟုတ်ဘူး) လို့ အခြေခံဥပဒေဆိုင်ရာ ခုံရုံးက ဆုံးဖြတ်တယ်။ ဆလိုဗက်ကီးယားမှာ ၁၉၉၄ တုန်းက အခြေခံ ဥပဒေခုံရုံးက ဗလာဒီမီယာ မေစီယာရဲ့ အစိုးရ ပါလီမန်မှာ အတိုက်အခံ နေရာတွေကို ပေးဖို့ ငြင်းပယ်တာကို တားမြစ်တယ်။ ဆားဘီးယားမှာတော့ တရားရုံးတွေက ၁၉၉၆ ခုနှစ် အတိုက်အခံတွေရဲ့ အနိုင်ကို တရားဝင် အသိအမှတ်ပြုပေးခဲ့တယ်။ ခရိုအေးရှားမှာ သမ္မတ တူဂ်ျမန်ဟာ စပိန်ရဲ့ ဖရန်စစ္စကို ဖရန်ကို ကို လေးစား အားကျနေသူ ဖြစ်တယ်လို့ မဟုတ်မတရား စွပ်စွဲရေးသားတယ်လို့ တရားစွဲခံရတဲ့ အတိုက်အခံ အပတ်စဉ်ထုတ် သတင်းစာ တစောင်ကို တရားရုံးတွေက တရားသေ လွှတ်ပေးခဲ့တယ်။ ထို့အတူပဲ မလေးရှားမှာလည်း ၂၀၀၁ ခုနှစ်တုန်းက အထက် တရားရုံး တရားသူကြီးတဦးဟာ အစိုးရရဲ့ ပြည်တွင်း လုံခြုံရေး အက်ဥပဒေအရ ထောင်ချခံခဲ့ရတဲ့ အစိုးရနဲ့ အမြင် မတူသူ နှစ်ဦးကို လွှတ်ပေးခဲ့ပြီး အဲဒီလိုမျိုး ပြင်းထန်လွန်းတဲ့ ဥပဒေလိုအပ်သလား ဆိုပြီးတော့လည်း လူသိရှင်ကြား မေးခွန်း ထုတ်ခဲ့ပါတယ်။

ပြိုင်ဆိုင်မှုရှိတဲ့ အာဏာရှင်အစိုးရတွေဟာ သူတို့ဘက်ကို နစ်နာစေမယ့် စီရင်ချက်မျိုးချတဲ့ တရားသူကြီးတွေကို အပြစ် ပေးကောင်းပေးနိုင်ပေမယ့် အဲဒီလိုလုပ်ခြင်းဖြင့် ပြည်တွင်းမှာရော နိုင်ငံတကာမှာပါ သူတို့ရဲ့ တရားဝင်မှုကို အကြီးအကျယ်
ထိခိုက်စေနိုင်ပါတယ်။ သာဓကအနေနဲ့ ပီရူးနိုင်ငံမှာ ဖူဂျီမိုရီရဲ့ တတိယ သမ္မတသက်တမ်း ထမ်းဆောင်နိုင်ရေး အခြေခံ ဥပဒေနဲ့ မညီတဲ့ကြိုးပမ်းမှုကို အခြေခံ ဥပဒေဆိုင်ရာခုံရုံးက ၁၉၉၇ ခုနှစ်မှာ ပိတ်ဆို့လိုက်တဲ့နောက်မှာ ဖူဂျီမိုရီကို လိုလားတဲ့ ကွန်ဂရက်ဟာ အဲဒီခုံရုံးအဖွဲ့ဝင် ၃ ဦးကို ထုတ်ပယ်ပစ်လိုက်တယ်။
အဲဒီလုပ်ရပ်ဟာ ပြည်တွင်းမှာရော နိုင်ငံတကာမှာပါ ပြင်းပြင်းထန်ထန် ဝေဖန်ခံလိုက်ရတယ်၊ ဒါပေမယ့် နောက် ၃ နှစ်ကြာတဲ့အထိ အဲဒီဖြစ်ရပ်ဟာ အစိုးရကို လက်ညိုးထိုးစရာ အပြစ်ကြီးတခုအဖြစ် ရှိနေခဲ့တယ်။

(၄) သတင်းမီဒီယာကဏ္ဍ
နောက်ဆုံးအနေနဲ့တော့ သတင်းမီဒီယာဟာ ယှဉ်ပြိုင်မှုရှိတဲ့ အာဏာရှင်စနစ်တွေမှာတော့ အစိုးရနဲ့ အကြီးအကျယ် အမြင်ကွဲလွဲရာ အရေးပါတဲ့ အဝန်းအဝိုင်းတခုပါပဲ။ လုံးဝ တင်းပြည့်ကျပ်ပြည့် အာဏာရှင်နိုင်ငံတွေမှာတော့ သတင်း မီဒီယာဆိုတာဟာ ရာနှုန်းပြည့် နိုင်ငံပိုင်ဖြစ်မယ်၊ ဒါမှမဟုတ် ဆင်ဆာအဖြတ်ကြမ်းမယ်၊ ဒါမှမဟုတ် စနစ်တကျနဲ့ ဖိနှိပ်ထားမယ်။ ရုပ်သံနဲ့ ရေဒီယိုဌာနတွေကို အစိုးရနဲ့ သူ့နဲ့ ပလဲနံပ သင့်သူတွေက ထိန်းချုပ်ထားမယ်။ နာမည်ကြီး လွတ်လပ်တဲ့ သတင်းစာတွေနဲ့ မဂ္ဂဇင်းတွေကို ဥပဒေပြဋ္ဌာန်းပြီး ပိတ်ပင်တားဆီးထားမယ် (ဥပမာ – ကျူးဘား) ဒါမှမဟုတ် ဘောင်ထဲကနေ ရှင်းလင်း ဖယ်ရှားထားမယ် (ဥပမာ – ဥဇဘက်ကစ္စတန် နဲ့ တာ့ခ်မင်နစ္စတန်)။ အစိုးရကို အမျက်တော် ရှအောင် လုပ်တဲ့ သတင်းသမားဆို ဖမ်းတာဆီးတာ၊ နယ်နှင်ဒဏ်ပေးတာအပြင် ကုန်ကုန် ပြောရရင် လုပ်ကြံ သတ်ဖြတ်ပစ်တာ အထိ ခံရနိုင်ခြေရှိတယ်။

ယှဉ်ပြိုင်မှုရှိတဲ့ အာဏာရှင်နိုင်ငံတွေမှာကတော့ သီးခြားရပ်တည်တဲ့ သတင်းဌာနaတွဟာ တရားဝင် တည်ရှိရုံတင်မက သြဇာလည်း ညောင်းတယ်။ ဂျာနယ်လစ်တွေအပေါ် မကြာခဏ ခြိမ်းခြောက်တာ၊ တိုက်ခိုက်တာမျိုး ရှိသော်ငြားလည်း သတင်းသမားတွေဟာ အဓိက အတိုက်အခံတွေအဖြစ် ပေါ်ထွက်လာလေ့ရှိတယ်။ ပီရူးနိုင်ငံမှာ သီးခြားလွတ်လပ်တဲ့ သတင်းစာတွေဖြစ်တဲ့ လာရီပတ်ဗလစ်ကာ နဲ့ အယ်လ် ကွန်မာစီယို၊ အပတ်စဉ်ထုတ် မဂ္ဂဇင်းတွေဖြစ်တဲ့ စီ နဲ့ကော်ရေးတပ်စ် တို့ဟာဆိုရင် ၁၉၉၀ ပြည့်လွန်နှစ်တွေ တလျှောက်လုံး လွတ်လွတ်လပ်လပ်နဲ့ ရေးသား ထုတ်ဝေခဲ့ကြတယ်။ ယူကရိန်းကိုကြည့်ရင်လည်း ဇာကာလိုနေဒါလီ၊ ဒင်၊ ဗီချာနီဗစ္စတီ စတဲ့သတင်းစာတွေဟာ ကုခ်ျမာ အစိုးရအပေါ် မတူတဲ့ သီးခြားအမြင်တွေကို အလေးပေးဖော်ပြရာ ရင်းမြစ်တွေဖြစ်တယ်။

သီးခြားလွတ်လပ်တဲ့ သတင်းဌာနတွေဟာ အစိုးရရဲ့ မဟုတ်မတရား လုပ်မှုတွေကို စုံစမ်းထောက်လှမ်း ဖော်ထုတ်ပြီး လူသိအောင် ဖွင့်ချသူဆိုတဲ့ “စောင့်ကြည့်သူ” နေရာကို ယူထားသူတွေဖြစ်တယ်။ ပီရူးမှာဆိုရင် မီဒီယာဟာ ၁၉၉၂ ခုနှစ် လာကန်တူတာ တက္ကသိုလ်မှာ ကျောင်းသားတွေကို သတ်ဖြတ်မှု၊ ဖူဂျီမိုရီရဲ့ ပါတီ ၂၀၀၀ ပြည့်နှစ် ရွေးကောက်ပွဲမှာ ဝင်ရောက်ယှဉ်ပြိုင်နိုင်ဖို့ လိုအပ်တဲ့ လက်မှတ် အရေအတွက်ကို လိမ်ညာပြီး ပွားယူမှု စတဲ့ အစိုးရရဲ့ လုပ်ရပ်တွေကို ဖွင့်ထုတ်ချခဲ့တယ်။ ရုရှားမှာဆိုရင်လည်း ဗလာဒီမီယာ ဂူစင်စကီးရဲ့ အင်ဒီပင်းဒင့်တီဗီ ဟာဆိုရင် အထူးသဖြင့် ချေချင်းညာနဲ့ ပတ်သက်တဲ့ ယဲ့လ်ဆင်အစိုးရရဲ့  လုပ်ဆောင်မှု တွေအပေါ် အဓိက ဝေဖန်သူဖြစ်တယ်။ ဇင်ဘာဘွေမှာဆိုရင် ဒေးလီးနယူးစ်ဟာ မူဂါဘီ အစိုးရရဲ့ ကျူးလွန်မှုတွေကို ဖွင့်ထုတ်ချပြရာ အဓိက သတင်းစာဖြစ်တယ်။ မီဒီယာတွေဟာ အတိုက်အခံ အင်အားစုတွေအတွက် ဆိုရင်လည်း သူတို့ရဲ့ ဝါဒဖြန့်ချိရေး လက်နက်ဖြစ်တယ်။ ဆာဘီးယားမှာဆိုရင် ဘဲလ်ဂရိတ် ရေဒီယိုသတင်းဌာန ဘီ-၉၂ ဟာ ၁၉၉၀ ပြည့်လွန်နှစ်နှောင်းပိုင်း သမ္မတ မီလိုဆီဗစ်ကို အဓိက အတိုက်အခံပြုခဲ့တဲ့ ဌာနဖြစ်တယ်။ ၁၉၈၀ ပြည့်လွန်နှစ် နှောင်းပိုင်းကာလတွေအတွင်း ပနားမားနဲ့ နီကာရာဂွာ တို့မှာ အတိုက်အခံတွေကို အဓိက ကျောထောက်နောက်ခံ ပြုပေးခဲ့တာလည်း သတင်းစာတွေပဲဖြစ်ပါတယ်။

ယှဉ်ပြိုင်မှုရှိတဲ့ အာဏာရှင်စနစ်တွေမှာ အုပ်ချုပ်ရေးပိုင်းဟာ လောင်းရိပ်လွတ်တဲ့ သတင်းမီဒီယာတွေကို တက်တက် ကြွကြွနဲ့ နှိပ်ကွပ်လေ့ရှိတယ်။ နှိပ်ကွပ်ရာမှာလည်း အာဏာရှင်နိုင်ငံတွေက အုပ်ချုပ်ရေးပိုင်းက လူတွေသုံးတဲ့ နည်းလမ်းတွေထက် ပိုပြီး နူးညံ့သိမ်မွေ့တဲ့ နည်းတွေကို သုံးလေ့ရှိတယ်။ အဲဒီနည်းတွေထဲမှာ လာဘ်ထိုးတာ၊ နိုင်ငံတော်ရဲ့ ကြော်ငြာ ဘတ်ဂျက်ကို သီးသန့် ရွေးချယ်ပြီး ဖယ်ထားတာ၊ သတင်းဌာနတွေက တင်ရှိနေတဲ့ ကြွေးမြီတွေနဲ့ အခွန်တွေကို ထိန်းချုပ် ကြိုးကိုင်ထားတာ၊ စတော့ရှင်တွေ အချင်းချင်းကြားမှာ ပြဿနာဖြစ်အောင် မီးမွှေးပေးတာ၊ သီးခြား လွတ်လပ်ပြီး အတိုက်အခံဖြစ်တဲ့ သတင်းသမားတွေကို နှိပ်ကွပ်ဖို့အတွက် တင်းကျပ်တဲ့ ဥပဒေတွေ စတာတွေ ပါဝင်ပါတယ်။ ရုရှားမှာဆိုရင် အင်ဒီပင်းဒင့်တီဗီရဲ့  ဂတ်ဇ်ပရွမ်ဂတ်စ် ကုမ္ပဏီဆီမှာ တင်နေတဲ့ အကြွေးတွေကို အသုံးချပြီး အစိုးရက သူနဲ့ ပလဲနံပသင့်တဲ့ သူတွေလက်ထဲ ရောက်သွားအောင် လုပ်တယ်။

ပီရူးမှာဆိုရင် ဖူဂျီမိုရီက လာဘ်ထိုးတာနဲ့ ဥပဒေကြောင်းအရ မရိုးဖြောင့်တဲ့ နည်းလမ်းတွေကို ပေါင်းစပ်ပြီး တိုင်းပြည်ရဲ့ ပုဂ္ဂလိကပိုင် ရုပ်သံ သတင်းဌာနတွေကို ထိန်းချုပ်ဖို့ ကြိုးစားတယ်။ ဥပမာ – Channel 2 ရဲ့ ပိုင်ရှင် ဘာရုအိဗ်ချာရဲ့ နိုင်ငံသားဖြစ်မှုကို ပြန်လည် ရုပ်သိမ်းတာမျိုး။ အစိုးရတွေ အနေနဲ့ သီးခြားလွတ်လပ်တဲ့ သတင်းစားတွေကို “တရားမဝင်” နှောင့်ယှက်ဖို့၊ ဒါမှမဟုတ် နှိပ်ကွပ်ဖို့အတွက် အသရေဖျက်မှု ဥပဒေတွေကို ကျယ်ကျယ်ပြန့်ပြန့် အသုံးချတယ်။ ဂါနာနိုင်ငံမှာ ဂါနာသတင်းစာ အယ်ဒီတာတွေနဲ့ ကော်လံစား ဆောင်းပါးရှင်တွေတွေကို ၁၉၉၀ ပြည့်လွန်နှစ်များအတွင်း ထောင်ချဖို့ အတွက် ကိုလိုနီခေတ်က ရေးဆွဲခဲ့တဲ့ အသရေဖျက်မှု ဥပဒေပုဒ်မတွေကို ဂျယ်ရီရောလင်း အစိုးရက အသုံးပြုခဲ့တယ်။ ခရိုအေးရှားမှာဆိုရင် Open Society Institute ရဲ့ ၁၉၉၇ ခုနှစ် အစီရင်ခံစာအရ သတင်းစာတွေဟာ အသရေ ဖျက်မှုပေါင်း ၂၃၀ နဲ့ တရားအစွဲ ခံခဲ့ရတယ်။ အလားတူပဲ အာမေးနီးယား အစိုးရကလည်း တိုင်းပြည်ရဲ့ အငြင်းပွားဖွယ်ရာ ၁၉၉၆ ခုနှစ် ရွေးကောက်ပွဲ နောက်ပိုင်း သတင်းစာတွေရဲ့ ဝေဖန်မှုတွေ ငြိမ်သက်သွားအောင် အသရေဖျက်မှု ပုဒ်မတွေကို ကောင်းကောင်း အသုံးချခဲ့ရတယ်။

ဒါပေမယ့်လည်း ယှဉ်ပြိုင်မှုရှိတဲ့ အာဏာရှင်နိုင်ငံတွေမှာ မီဒီယာကို ဖိနှိပ်တာဟာ အစိုးရအဖွဲ့တွေအတွက် အန္တရာယ် များနိုင်တယ်။ ဥပမာအားဖြင့် ၁၉၉၆ ခုနှစ်တုန်းက ခရိုအေးရှားမှာ တုဂ်ျမန်အစိုးရဟာ ရေဒီယို ၁၀၁ (Radio 101) ရဲ့ လိုင်စင်ကို ပြန်ရုပ်သိမ်းလိုက်တဲ့ အချိန်မှာ လူထုက အကြီးအကျယ် ဆန္ဒပြကြတာကြောင့် အတိုက်အခံ ဘက်မှာလည်း လှုပ်လှုပ်ရှားရှားဖြစ်ပြီး အာဏာရ ပါတီလည်း ခဏတဖြုတ် နှစ်ခြမ်း ကွဲခဲ့ရတယ်။ ၂၀၀၀ ပြည့်နှစ်တုန်းကလည်း ယူကရိန်းမှာ သမ္မတ ကုခ်ျမာဟာ အတိုက်အခံ သတင်းထောက် တယောက်ကို ဖျောင်ပစ်ခဲ့တယ်ဆိုတဲ့ စွပ်စွဲချက်တွေ ထွက်ပေါ်လာပြီးတဲ့ နောက်ပိုင်း ပြည်တွင်းမှာ ဆန္ဒပြမှုတွေနဲ့ ရင်ဆိုင်ခဲ့ရသလို အနောက်နိုင်ငံတွေရဲ့  ဝိုင်းကြဉ်မှုကိုလည်း တစိတ်တပိုင်း ခံခဲ့ရတယ်။ ပီရူးမှာလည်း အစ်ဗ်ချာကို နှိပ်ကွပ်ပြီး နယ်နှင်ပစ်ခဲ့တာကြောင့် ပြည်တွင်းမှာ ဆန္ဒပြမှုတွေ အတော်လေးဖြစ်ခဲ့ပြီး နိုင်ငံတကာရဲ့ ဝိုင်းဝေဖန်စရာ ပစ်မှတ်လည်း ဖြစ်လာခဲ့တယ်။

သဘောတရားအရ တင်းမာမှုများ
အာဏာရှင် အစိုးရအဖွဲ့တွေဟာ တိတိပပရှိတဲ့ ဒီမိုကရေစီ အဆောက်အအုံတွေနဲ့ ကာလ အကန့်အသတ်မရှိ ယှဉ်တွဲ တည်ရှိနိုင်ပါတယ်။ လက်ရှိ အာဏာရထားသူတွေဟာ အခွင့်အရေး ချိုးဖောက်မှုတွေကို ကြီးကြီးမားမား ချိုးဖောက်တာမျိုး၊ တိုင်းသိပြည်သိဖြစ်အောင် လုပ်တာမျိုး မလုပ်သရွေ့၊ ရွေးကောက်ပွဲရလဒ်တွေကို ပယ်ဖျက်တာ၊ ခိုးယူတာမျိုး မရှိသရွေ့ ယှဉ်ပြိုင်မှုရှိတဲ့ အာဏာရှင်စနစ်မှာ အတွင်းထဲရှိနေတဲ့ ဝိရောဓိတွေဟာ ထိန်းကျောင်းလို့ ရနိုင်သေးတဲ့ ဘောင်ထဲမှာပဲ ရှိပါတယ်။ လာဘ်ထိုးတာ၊ အတင်းမဲဆွယ် စည်းရုံးတာ၊ တခြား “ဥပဒေနဲ့ ညီတဲ့” နှိပ်ကွပ်မှု ပုံစံတွေသုံးတာ စတဲ့နည်းတွေ သုံးပြီး အစိုးရဟာ အတိုက်အခံတွေရဲ့ ခြိမ်းခြောက်မှုကို ပြည်တွင်းပြည်ပရဲ့  အုံနဲ့ကျင်းနဲ့ ဆန့်ကျင်မှုမျိုး မရှိဘဲ ကန့်သတ်လို့ ရနိုင်ပါတယ်။

ဒါပေမယ့်လည်း လက်ရှိ အာဏာရပါတီ၊ လူပုဂ္ဂိုလ်တွေ အာဏာလွှဲပြောင်း မပေးရစေဖို့ ရည်ရွယ်ချက်နဲ့ ဒီမိုကရေစီ လုပ်ထုံးလုပ်နည်းတွေနဲ့ အာဏာရှင်ဆန်မှုတွေ ယှဉ်တွဲခိုင်းထားတာဟာ မတည်ငြိမ်မှု ရင်းမြစ်တခုကို ဖန်တီးပေးလိုက်ပါတယ်။ ရွေးကောက်ပွဲတွေ၊ ဥပဒေပြုလွှတ်တော်တွေ၊ တရားရုံးတွေနဲ့ သီးခြားလွတ်လပ်တဲ့ မီဒီယာကဏ္ဍတို့ဟာ အတိုက်အခံ အင်အားစုတွေဆီကနေ အချိန်တခုရောက်တိုင်း စိန်ခေါ်မှုတွေကို ဖြစ်ပေါ်စေပါတယ်။ အဲဒီစိန်ခေါ်မှုတွေက အာဏာရှင် ပုဂ္ဂိုလ်တွေအတွက် အလေးအနက်ထားရမယ့် အကျဉ်းအကျပ် အခြေအနေတခုကို သယ်ဆောင်လာပါတယ်။
တဖက်ကကြည့်ရင် အတိုက်အခံတွေကို နှိပ်ကွပ်တာဟာ မကောင်းတဲ့ သက်ရောက်မှုများတယ်၊ အဓိက အကြောင်းကတော့ အတိုက်အခံတွေရဲ့ လုပ်ဆောင်မှုတွေဟာ လုပ်ထုံးလုပ်နည်းအရလည်း တရားဝင်တယ်၊ ဖြစ်လည်း ဖြစ်သင့်တယ်လို့ ပြည်တွင်းပြည်ပက လက်ခံထားကြတယ်။
အခြားတဖက်မှာတော့ လက်ရှိ အာဏာရထားသူတွေ အနေနဲ့ အတိုက်အခံတွေကို ဒီအတိုင်း လွှတ်ပေးလိုက်ပြန်ရင်လည်း သူတို့ ရှုံးသွားနိုင်ပြန်တယ်။ အဲဒီတော့ အချိန်တခုရောက်တိုင်း ဒီမိုကရေစီ နည်းကျ ယှဉ်ပြိုင်အနိုင်ယူမှုတွေ ပေါ်ပေါက်လာခြင်းဟာ ယှဉ်ပြိုင်မှုရှိတဲ့ အာဏာရှင်စနစ်ရဲ့ အရင်းမူလလို ဖြစ်နေတဲ့ လွန်ဆွဲရခြင်းကို ဖြစ်စေတယ်။ အာဏာရှင် အစိုးရအဖွဲ့တွေ အနေနဲ့ နိုင်ငံတကာရဲ့ ဝိုင်းကျဉ်မှုနဲ့ ပြည်တွင်း ပဋိပက္ခတွေ အဖြစ်ခံပြီး ဒီမိုကရေစီ စည်းမျဉ်းစည်းကမ်းတွေကို အကြီးအကျယ် ချိုးဖောက်မလား၊ ရွေးကောက်ပွဲမှာ ရှုံးနိမ့်နိုင်ခြေ ရှိတာကို ရင်ဆိုင်ပြီး အတိုက်အခံတွေဘက်က စိန်ခေါ်မှုကို ခွင့်ပြုမလား။ ရလဒ်ကတော့ အစိုးရအုပ်ချုပ်ရေး အကျပ်အတည်း တမျိုးမဟုတ်တမျိုး ပေါ်တာပဲ။ ဥပမာအားဖြင့် မက္ကဆီကိုမှာ ၁၉၈၈ ခုနှစ်၊ နီကာရာဂွာမှာ ၁၉၉၀၊ ဇမ်ဘီယာမှာ ၁၉၉၁ ခုနှစ်၊ ရုရှားမှာ ၁၉၉၃ ခုနှစ်၊ အာမေးနီးယားမှာ ၁၉၉၆ ခုနှစ်၊ အယ်လ်ဘေးနီးယားမှာ ၁၉၉၇ ခုနှစ်၊ ဂါနာ၊ ပီရူး၊ ဆားဘီးယားနဲ့ ယူကရိန်းတို့မှာ ၂၀၀၀ ပြည့်နှစ်၊ ဇမ်ဘီယာမှာ ၂၀၀၁ ခုနှစ်မှာ နောက်တကြိမ် အသီးသီး ဖြစ်ခဲ့တယ်။ ဇင်ဘာဘွေနိုင်ငံမှာ ၂၀၀၂ ခုနှစ် မတ်လ သမ္မတ ရွေးကောက်ပွဲ ကာလတုန်းလည်း အလားတူ အကျပ်အတည်းမျိုး ဖြစ်မယ့် ပုံစံမျိုး ပေါ်ခဲ့သေးတယ်။

ကင်ညာ၊ မလေးရှား၊ ရုရှားနဲ့ ယူကရိန်းတို့လို့ ဖြစ်ရပ်မျိုးတွေမှာတော့ အာဏာရှင် အစိုးရတွေဟာ မုန်တိုင်းဒဏ်ကို ဘေးမသီ ရန်မခ ကျော်ဖြတ်ခဲ့ကြတယ်။ အဲဒီအထဲက နိုင်ငံအချို့မှာ အစိုးရဟာ အပြတ် နှိပ်ကွပ်ပစ်ပြီး ပိုလို့တောင် ခံကတုတ်တွေ တည်ဆောက်နိုင်ခဲ့တယ်။ တခြားသော နိုင်ငံအချို့ဖြစ်တဲ့ နီကာရာဂွာ(၁၉၉၀)၊ ဇမ်ဘီယာ (၁၉၉၁)၊ ဂါနာနဲ့ မက္ကဆီကို (၂၀၀၀) တို့မှာတော့ ယှဉ်ပြိုင်မှုရှိတဲ့ အာဏာရှင် အစိုးရတွေဟာ ဆန့်ကျင် အာခံမှုတွေကို မနှိမ်နင်းနိုင်ခဲ့ဘဲ အာဏာကို လက်လွှတ်ခဲ့ရပါတယ်။ ပီရူးနဲ့ ဆားဘီးယား အပါအဝင် ကျန်တခြား ဖြစ်ရပ်တွေမှာတော့ အစိုးရဟာ နှိပ်ကွပ်ဖို့ ကြိုးစားရင်းနဲ့ သူကိုယ်တိုင် မနိုင်မနင်း ဖရိုဖရဲဖြစ်လာပြီး နောက်ဆုံး ပြိုကျခဲ့ရတဲ့ အထိပဲ။

ဒါပေမယ့်လည်း ဒီလို နောက်လူ လက်ထဲ အာဏာထည့်ပေးလိုက်ရတာဟာ ဒီမိုကရေစီ အသွင်ကူးပြောင်းသွားတာ မဟုတ်ပါဘူး။ ဖြစ်ရပ် အတော်များများ (ခရိုအေးရှား၊ နီကာရာဂွာ၊ ပီရူး၊ ဆလိုဗက်ကီးယား၊ ဆားဘီးယား) မှာ အစိုးရအဖွဲ့ အပြောင်းအလဲ ဖြစ်မှုနဲ့အတူ ဒီမိုကရေစီဘက်ကို ဦးတည်သွားခဲ့ပေမယ့် အယ်လ်ဘေးနီးယား၊ ဇမ်ဘီယာ၊ ယူကရိန်း၊ ဘယ်လာရုစ် စတဲ့ ဖြစ်ရပ်တွေမှာတော့ အသစ်ရွေးကောက် တင်မြှောက်လိုက်တဲ့ ခေါင်းဆောင်တွေဟာ သူတို့ရှေ့က သွားလေသူတွေ ထက်တောင်မှ ပိုပြီး အာဏာရှင် လက်ဝါးစောင်း ပိုထက်နေသေးတာကို တွေ့ရပါတယ်။ ဒီတော့ကာ အာဏာကို ဆုပ်ကိုင်ထားတဲ့ အထက်တန်းလွှာတစုကို ဖယ်ရှားပစ်လိုက်ခြင်းဟာ စနစ်အပြောင်းအလဲ ဖြစ်ဖို့နဲ့ ဒီမိုကရေစီ အသွင်ကူးပြောင်းဖို့ရာ အရေးပါတဲ့ အခွင့်အလမ်း တခုကို ဖန်တီးပေးလိုက်ပေမယ့် ဒီလို အဖြေမျိုး ထွက်လာပါလိမ့်မယ် လို့တော့ သေချာတာ မဟုတ်ပါဘူး။
အကျဉ်းအကျပ် ကာလတွေမှာ ယှဉ်ပြိုင်မှုရှိတဲ့ အာဏာရှင် အစိုးရအဖွဲ့တွေ ရှင်သန်ကျော်လွှားနိုင်မှုနဲ့ ဆိုင်တဲ့ သူတို့ရဲ့ စွမ်းဆောင်ရည် အမျိုးမျိုးအကြောင်းကို ဒီဆောင်းပါးမှာ ရှင်းပြနိုင်မှာ မဟုတ်ပေမယ့် ပုံစံတခုကတော့ လေ့လာ မှတ်သားထိုက်ပါတယ်။

စစ်အေးတိုက်ပွဲ ခေတ်လွန်ကာလကို ကြည့်ရင် အနောက်တိုင်းနဲ့နီးတဲ့ ဒေသတွေ၊ အထူးသဖြင့် လက်တင်အမေရိကနဲ့ ဥရောပ အလယ်ပိုင်းတို့မှာဆိုရင် အာဏာကို ကိုင်ထားတဲ့ အစိုးရတွေကို ဖယ်ရှားပစ်ပြီးနောက်ပိုင်း အဲဒီနိုင်ငံတွေဟာ ဒီမိုကရေစီနိုင်ငံ ဖြစ်သွားတာ များပါတယ်။ သာဓကအနေနဲ့ ပြရရင် လက်တင်အမေရိကမှာ ယှဉ်ပြိုင်မှုရှိတဲ့ အာဏာရှင် နိုင်ငံ ၅ နိုင်ငံအနက် ၄ နိုင်ငံ (ဒိုမီနီကန် ရီပတ်ဗလစ်၊ မက္ကဆီကို၊ နီကာရာဂွာနဲ့ ပီရူး) ဟာ ၁၉၉၀ ပြည့်နှစ်နောက်ပိုင်းမှာ ဒီမိုကရေစီနိုင်ငံတွေ ဖြစ်လာပါတယ်။

အလားတူပဲ အဲဒီအချိန်အတွင်းမှာ ဗဟိုဥရောပမှာရှိတဲ့ ယှဉ်ပြိုင်မှုရှိတဲ့ အာဏာရှင်နိုင်ငံ ၅ နိုင်ငံအနက် ၄ နိုင်ငံ ဒီမိုကရေစီဘက်ကို အသွင်ကူးပြောင်းလာခဲ့တယ် (ခရိုအေးရှား၊ ဆာဘီးယား၊ ဆလိုဗက်ကီးယား၊ ရိုမေးနီးယား)။ ဒါပေမယ့် တခြား တဖက်မှာကျတော့ အာဖရိကနဲ့ ဆိုဗီယက် ပြည်ထောင်စုဟောင်းဝင် ယှဉ်ပြိုင်မှုရှိတဲ့ အာဏာရှင် နိုင်ငံတွေရဲ့ ဖြစ်ရပ်ကတော့ အတော်လေးကို မတူပြန်ဘူး။ ဆိုဗီယက်အုပ်စုဝင် နိုင်ငံဟောင်းတွေအနက် ယှဉ်ပြိုင်မှုရှိတဲ့ အာဏာရှင်နိုင်ငံ (မော်လ်ဒိုဗာ) တနိုင်ငံတည်းပဲ ၁၉၉၀ ပြည့်လွန်နှစ်တွေ အတွင်း ဒီမိုကရေစီအသွင် ကူးပြောင်းခဲ့တယ်။
ဒါကိုကြည့်ရင် ၁၉၉၀ ပြည့်လွန် ကာလတွေအတွင်း ယှဉ်ပြိုင်မှုရှိတဲ့ အာဏာရှင်နိုင်ငံတွေရဲ့ လားရာကို ပုံဖော်တဲ့ အဓိက အကြောင်းရင်းခံဟာ အနောက်အုပ်စုနဲ့ နီးကပ်ခြင်းဆိုတဲ့ သဘောသက်ရောက်ပါတယ်။ ယဉ်ကျေးမှုနဲ့ မီဒီယာ လွှမ်းမိုးမှု၊ အထက်တန်းလွှာ ကွန်ရက်တွေ၊ ဆန္ဒပြပွဲဂယက်တွေ၊ အနောက်နိုင်ငံ အစိုးရတွေရဲ့ တိုက်ရိုက်ဖိအား စတဲ့ပုံစံအားဖြင့် အနောက်တိုင်းနဲ့ ဆက်နွယ်မှုရှိခြင်းကြောင့် အာဏာရှင်နိုင်ငံ အစိုးရတွေအနေနဲ့ သူတို့အုပ်ချုပ်မှုကို အခြေခိုင်အောင် လုပ်ရာမှာ ဒုက္ခသုက္ခတွေနဲ့ ပိုကြုံတွေ့လာရပါတယ်။ ယှဉ်ပြိုင်မှုရှိတဲ့ အာဏာရှင် နိုင်ငံအစိုးရတွေကို ဒီမိုကရေစီဘက် ပိုကူးပြောင်းအောင် လုပ်ရာမှာ ဖြစ်နိုင်ခြေ ပိုများလာပါတယ်။ အနောက်နဲ့ ချိတ်ဆက်မှု အားနည်းတဲ့ ဒေသတွေမှာ သို့မဟုတ် ဒီမိုကရေစီ မဟုတ်တဲ့ အင်အားကြီးနိုင်ငံ (ဥပမာ ရုရှား၊ တရုတ်) တွေရဲ့ သြဇာလွှမ်းမိုးမှု အတော်အတန်ရှိတဲ့ ဒေသတွေမှာတော့ ယှဉ်ပြိုင်မှုရှိတဲ့ အာဏာရှင် အစိုးရတွေဟာ သက်ဆိုး ပိုရှည်ဖို့ အခွင့်အလမ်းပိုများတယ်၊ ဒါမှမဟုတ် ပိုပြီး အာဏာရှင်ဆန်တဲ့ လမ်းကြောင်းဘက်ဆီ ဦးတည်သွားပါတယ်။

ဆက်လက် ဖော်ပြပါမည်။

(စတီဗင် လီဗစ်စကီး (Steven Levitsky) သည် ဟားဗတ်တက္ကသိုလ်ရှိ အစိုးရနှင့် လူမှုရေးလေ့လာမှု ပညာဌာနမှ ပါမောက္ခဖြစ်သည်။ သူ၏ Transforming Labor-based Parties in Latin America စာအုပ် နှင့် လူကန်၊ အေ၊ ဝေးနှင့် ပူးတွဲရေသားခဲ့သော Competitive Authoritarianism: Hybrid Regimes after the Cold War စာအုပ်တို့ကို ကိန်းဘရစ်ဂ်ျ တက္ကသိုလ်မှ ထုတ်ဝေခဲ့သည်။ လူကန်၊ အေ၊ ဝေး (Lucan A. Way) သည် ကနေဒါနိုင်ငံ တိုရန်တို တက္ကသိုလ် နိုင်ငံရေးသိပ္ပံဌာနမှ တွဲဖက်ပါမောက္ခ ဖြစ်ပြီး Journal of Democracy ၏ အယ်ဒီတာ ဘုတ်အဖွဲ့ဝင် အဖြစ် ဆောင်ရွက်နေသူလည်း ဖြစ်သည်။)